Potet
måndag 26. juli 2010 23:17
Så er den femte Vinjerocken historie. Det vart ein suksess. Ein ferierande redaktør måtte berre opp i fjellheimen og oppleva stemninga desse solfylte dagane. Blide folk over alt. God musikk, allsidige aktivitertar, god og lokal mat og ungdom og godt vaksne som kosa seg med alt dette. Tørstad og co avrunda det heile med rock & roll danselæte på vesle-Vinje utover laurdagsnatta. Ei avslutning ein rockefestival i Valdres verdig!
Les meir..
onsdag 21. juli 2010 07:49
På 20 historiske bygningar i Fagernes er det i sommar montert nye informasjonsskilt. Skilta inneheld historiske bilete av bygningane, i tillegg til tekst på norsk og engelsk. Det er Carina Watkinson i designfirmaet Velour, som har utforma skilta på oppdrag frå Valdresmusea og prosjektet er støtta av Sparebankstiftelsen og Nord-Aurdal kommune.
fredag 16. juli 2010 16:42
Suverent! Sol av Isfolket innfrir og byr på fengslande og fengande spel også i sin tredje sesong. Men så er det jo slik at alle gode ting er jo tre, berre det at her blir det betre og betre. Historia har fått ei klarare utvikling og ramme, og prestasjonane på scenen frå både dei proffe og dei glade amatørar, er til å få frysningar av.
måndag 12. juli 2010 08:26
I dag, måndag 12. juli, legg MB Bitihorn ut på Bygdin for fyrste gong i år. Etter ei ventetid på meir enn to veker på at det regulerte vasskraftmagasinet og fjellvatnet Bygdin skulle nå seglbar høgde, melder JVB at dei no er i gang med den 99. sesongen for MB Bitihorn. Sesongen går til søndag 12. september.
fredag 09. juli 2010 09:05
Samtidig med premieren på årets utgåve av Sol av Isfolket, lanserer dei fem musikarane i spelet ein CD. På eige initiativ har dei i vinter spelt inn store delar av musikken i spelet, og resultatet blir å få kjøpt frå torsdag 15. juli og utover.
torsdag 08. juli 2010 09:52
I og med at det er havrens år (visste du ikke det?), fikk fire jenter ved Nord Aurdal ungdomsskole ideen om å lage kokebok om havre. Elevbedriften vant kåringa denne sommeren.
måndag 05. juli 2010 08:54
I sommar blir det ekte valdresmat å få på Quality Hotel & Resort Fagernes. – Me ynskjer å vera med å styrke opp om merkevarebygginga i Valdres, blant anna ved å støtte opp om lokale råvareprodusentar. I restauranten vår blir det ein smak av Valdres på menyen i heile sommar. Ja, me satsar faktisk på eit heilårstilbod, fortel ein entusiastisk administrerande direktør, Kjetil Vassdal.
|
