Strunkeveko er eit vekeskurs i folkemusikk og folkedans for barn og unge mellom 11 og 24år. Kurset går føre seg i veke 30 på Valdres folkehøgskule på Leira. Kurset er det største i sitt slag i landet. Det er Valdres Folkemusikkarrangement AS som arrangerer Strunkeveko.

Jørn Hilme-stemnet har Valdres Folkemuseum som sin hovudarena. Det fyrste stemnet vart arrangert her alt i 1960 og det er såleis den eldste folkemusikkfestivalen i landet.

Stemnet var frå starten ein kombinasjon av kappleik, konsertar, teater og dans, og ved opninga i 1960 vart det t.d premiere på ei teaterframsyning om Jørn Hilme, med mange av dåtidas mest profilerte spelemenn i rollene. Dei siste åra er konsertane ytterlegare vektlagt, men kappleiken er framleis ein av dei største i landet. Nettopp kombinasjonen av kappleik, festival, kurs og dans gjer stemnet populært. Her finn du litt av alt. Sist år hadde stemnet ca. 8 400 besøkande.

Les meir på Strunkeveko og Jørn Hilme-stemnet