Ina Syversen håpa at løypa ville stimulere til aktivitet for alle aldersgrupper. Foto: Nils Rogn

Løypa var den fjerde i rekka av liknande kommuneløyper, og er eit resultat av ei gåve frå Beitostølen helsesportsenters venner. Dei fekk i si tid 700 000 kroner frå Gjensidigestiftelsen som skulle brukast til ei løype i kvar kommune, pluss ei ved helsesportsenteret på Beitostølen.

Lågterskeltilbod

- Denne løypa er eit lågterskeltilbod. Her kan folk på tur gjera enkle øvingar som ei avveksling på turen. Eg brukar sjølv å gå mykje, og den nye gang- og sykkelvegen som no er ferdig frå Bjørgo til Fagernes camping, er eit kjempeflott alternativ. Med desse trimapparata blir vegen endå meir komplett, sa ordføraren.

Mange å takke

Ordføraren prøver seg i "bøylehest". Foto: Nils Rogn

Ina Syversen som er folkehelsekoordinator i Valdres Natur- og Kulturpark og i Nord-Aurdal kommune, var også glad for løypa. – Det har teke tid å få ferdig løypa, og me har lært mykje undervegs. Men me har hatt mange gode hjelparar på vegen, og me takkar dei som har gjeve denne gåva og dei som har utført arbeidet.