Kursa vart arrangert i eit samarbeid mellom Oppland Bondelag og prosjektet Kurs for nye bønder i Valdres som Valdres Landbruksrådgiving og Valdres Natur- og Kulturpark står bak.

Eigarskiftekurset gav praktisk innføring i jus, økonomi og dei mellommenneskelege sidene ved eit eigarskifte. Unge bønder kurset tok for seg rolla som bedriftsleiar, korleis ha god styring med rekneskap moms og skatt, og kva moglegheiter ein har for å utvikle garden.

Mange frammøtte på kurset for eigarskifte. Foto: Magnhild Strand

Blant innleiarane var dei lokale økonomirådgivarane Ole Arne Fugllien og Odd Erik Holden, BU-konsulent Aslag Hamre og banksjef Arne Svennæs. Dei lokale gardbrukarane Anne Berit Strømmen Strand, Torgeir Svalesen og Anne Finnbråten formidla erfaringar frå  eigarskifteprosessen, om bruk av hest i næring og om Inn på tunet-verksemd.

Deltakarane på kurset gav uttrykk for at dei hadde plukka opp mange nyttige råd for gardsdrifta. Ikkje minst meinte dei at det var givande å treffe så mange andre som er i ein liknande situasjon og som ein kan drøfte tankar og idear med.