Mari Marstein fra Romerike museum sammen med estisk kontakt på gamle hageanlegg. Foto: Katharina Sparstad

Estland har etter at dei vart sjølvstendige brukt mange ressursar på å sette i stand dei gamle godsa (Manors). Gjennom EØS-avtalen er Noreg forplikta til å delta i ulike tiltak og prosjekt innan helse, miljøvenleg teknologi, utdanning, frivillig sektor og kulturminne. I den samanheng vil eit mogleg samarbeid med Valdres vera aktuelt.

Dei utsendte valdrisane fekk ein fekk ein brei presentasjon av fleire av dei drivne godsa. Dei fekk også høve til å presentere Valdres Natur- og Kulturpark, med hovudvekt på kulturarv og bulyst.

Mange av desse godsa blir i dag drivne som skular og barnehagar. Det er fyrst dei seinare åra at estarane har byrja å legge vekt på desse bygningane som ein viktig del av historia si. Estland ligg strategisk til for skipsfart vidare aust til Russland, og har i hundrevis av år vore under okkupasjon av både Russland, Tyskland og Sverige. Etter oppløysinga av Sovjetsamveldet har landet brukt ressursar på å restaure både bygningar og eigen identitet. Godsa er i dag samlingspunkt for befolkninga, og mange vil i tida framover også legge meir vekt på merkevarebygging og lokalsamfunnsutvikling knytt til godsa.

Folk fra fleire land deltok. Gunhild Røyne sit litt bak, midt i bildet. Foto: Katharina Sparstad

- Sjølv om me ikkje har slike gods i Valdres, har me fleire samanfallande oppgåver innan både nærings- og lokalsamfunnsutvikling, seier kulturminnekonsulent Katharina Sparstad i Valdres Natur- og Kulturpark. Estarane har allereie treft moglege samarbeidspartnarar innanfor gards- og stølsnettverket i Valdres, då dei var på vitjing i Valdres i oktober. Les meir her.

Estland satsar også mykje på utdanning og kompetanse, og dei hadde eige «Vertskapskurs» for lærarar som kan være overførbart til bulystprosjektet i Valdres. - Opplæring av restaureringshandtverkarar er også eit tema i Estland, og me kan godt sjå for oss at det er mogleg med ei fagleg utveksling også her, seier Sparstad.

Estisk programleiar, Liina Jänes, og Norsk kontakt hjå Riksantikvaren, Aleksandra Petie Einen. Foto: Katharina Sparstad

Det er Estland som skal søke om samarbeid med Noreg, og når dei har bestemt seg for kva dei ynskjer å samarbeide om, vil Valdres legge til rette for at dei finn dei relevante tiltaka her. - Sjølv om Valdres har kome lenger innan lokalsamfunnssatsing, er det mange element og tiltak i Estland me kan lære av, seier Sparstad. - Dessutan er det inspirerande å sjå korleis andre møter likande utfordringar som me har. Me håpar difor at me får til mange gode samarbeidstiltak med estarane, avsluttar Sparstad.