Bondelaga, Bonde- og småbrukarlaga, TINE Produksjonslaga, Valdres Natur- og Kulturpark og Fylkesmannen i Oppland står saman om undersøkinga. Kva må til for at mjølkebonden skal satse for framtida? Kva kan dei som ikkje lenger driv aktivt ha av innspel som kan hjelpe til å gje svar på dette? Ved å svare på spørjeundersøkinga har mjølkebonden i Valdres ein god moglegheit til å gje Lars Peder Brekk saklege innspel.

Fleire svar gjev større tyngde

Margaret Eide Hillestad.

Det praktiske rundt undersøkinga er det Landbrukets Utredningskontor som gjennomfører. Her er det høg fagleg kompetanse til å laga gode analysar og gjennomføring av spørjeundersøkingar. - Det er viktig for eit truverdig resultat at flest mogleg svarar. Fleire svar gjev større tyngde i argumenta overfor myndigheiter og opinionen, seier Margaret Eide Hillestad hjå Landbrukets Utredningskontor.

Frist 23. april

- Det har til no har kome inn 158 svar på undersøkinga. Det tilsvarar ein svarprosent på opp mot 50, noko som er bra, seier Guri Grønolen. – Me takkar alle som har svara, og håpar at nokre fleire sender inn sine svar før fristen.

Henrik Grøndalen representerer Tine Produsentlaga i Valdres samt Bondelaget, og Kåre Skogstad representerer også Tine Produsentlaga samt Småbrukarlaget. Dei er samstemde: – Mange har svara, men me treng så stor oppslutning som mogleg. Det er enno ikkje for seint, send inn svaret ditt innan 23. april!

Direktelink til undersøkinga