Dette fortalde gründerane og vangsgjeldingane Magne Grihamar og Erlend Eggen under lanseringa. Dei eig selskapet TurApp AS i lag med Eirik Høyme Rogn, og har på oppdrag frå Valdres Natur- og Kulturpark og Valdres Destinasjon dei siste seks månadane arbeidd med applikasjonen. I konseptet deira for digital formidling av turmål og friluftsaktiviteter ligg også ei nettløysning. Denne finn ein på www.turapp.no/valdres/  -  www.valdres.no/tur/.

TurApp Valdres inneheld både fjellturar, vandreturar, sykkelturar, fiskeplassar og padleturar. Det er lagt vekt på å få ei god fordeling av turar frå alle valdreskommunar, og med ulik vanskegrad. – I presentasjonen har me lagt vekt på vekke lysta til å gå på tur med flotte bilde og gode kart. Me vil også legge til rette for å skrive ut turane på papir som turistar og andre utan smarttelefon kan få på turistinformasjonar og turiststader, fortel utviklarane.

- Plattforma er på nynorsk, fortel vangsgjeldingane, men bestillarane våre ville ha turomtalen på bokmål sidan dei meiner dette når fleire. I fyrste omgang vil TurApp Valdres vera tilgjengeleg for Iphone via App Store. Løysningar for andre smarttelefonar er under planlegging, og vil bli lansert seinare.

- Me ser på dette som god marknadsføring for valdresregionen, og utviklarane har hatt stort fokus på brukarvennlegheit, gode kart- og GPS-løysningar, og ikkje minst profesjonelle fjellbilde frå Glittertind Forlag, seier Merete Hovi som er dagleg leiar i Valdres Destinasjon. - TurApp er eit framtidsretta verktøy for reiselivet, med mange nye bruksområde. Dette vil vera fyrste steg ut i den elektroniske verda for oss.

Innhaldet vil bli oppdatert løpande etter kvart som nye turar blir lagt til i turdatabasen. Ein vil ta imot melding om dette ved å opne applikasjonen.