Muringa godt i gang.

Førre helg var 14 karar i sving på Bjørkheimstølen på Kinnholt. I løpet av dei to kursdagane fekk dei lære kunsten å reise kistemur og støttemur. Resultatet av kurset vart ikkje mindre enn ny grunnmur under både sel og uthus. Instruktør, murar og ingeniør Espen Marthinsen heldt i tillegg eit inspirerande foredrag fredag kveld på museet.

Torsdag og fredag var 16 deltakarar med på kurs i overflatebehandling (interiør og eksteriør) av eldre hus. Det er forskar og målerikonservator Jon Brænne som har leia kurset. I løpet av dei to dagane har deltakarane saumfart dei antikvariske husa på museet etter skadar, målingsrestar og vurdert tiltak for konservering eller restaurering. Brænne er målerikonservator og seniorforskar ved Norsk Institutt for Kulturminneforsking. Han held jamleg kurs og foredrag om desse emna og underviser fast ved ulike universitet i Noreg, Sverige og Danmark..  

Målet med

Fornøgde deltakarar på kurset.

kursa

Målet med kursa er å by ggje nettverk og varig kompetanse som vil koma handverkarar, eigarar, produsentar og verneinteresserte i Valdres til gode. Valdresmusea er administrativt og fagleg ansvarleg for kursa – som blir til i samarbeid med Valdres Natur- og Kulturpark, Oppland fylkeskommune og Fylkesmannen i Oppland.

Bjørkheimstølen

Sumaren 2009 starta Else Rønnevig restaureringa av Bjørkheimstølen i Vestre Slidre Statsallmenning. Rønnevig har sidan oppstarten hatt eit ynske om å involvere og styrke den lokale kompetansen på praktisk kulturminnevern. Rønnevig er landskjend kulturvernar, kjend frå aviser, vekeblad, radio og tv. Ho har skrive ei mengd bøker, særleg om bakaromntradisjonen i Noreg. I over 25 år har ho vore kjend som ”Sprossa”. Bakgrunnen for oppnamnet var engasjementet for den lokale bygningsarven og protestane mot det ho meinte var unødvendige og øydeleggande glasutskifting – med falske sprosser på gamle hus. Sprossa har vore tilknytt Nøsen-traktene i snart 20 år. Bjørkheimstølen fall ho fullstendig for, rett etter at ho hadde selt hytta førre si.