Turforslag 17: Riddarberget i Vang

Ein avstikkar opp til flagget i Rauberget gjev utsikt over Høresbygda.
Les meir her:

Turforslag 16: Madslangrudberget

Det fyrste bergflagget i Valdres, måla i 1897.
Les meir her:

Turforslag 15: Puttekollen

Lett tilgjengeleg topp med flott utsikt.
Les meir her:

Turforslag 14: Gardbergstigen

Ei vandring som tek deg langt tilbake i historia vår.
Les meir her:

Turforslag 13: Kviteberg

Bratt stig, men for ei utsikt!
Les meir her:

tekststorleik A A

Valdres Natur- og Kulturpark

Motta nyheitsbrev

Våre publikasjonar

Fleire saker:

01.05: Sjakk er gøy!
30.04: Meir midlar til Fønhuskoia
28.04: Vekas turforslag (15) – Puttekollen
26.04: Saueklypping og motorsagduell under LiV-dagane
24.04: Staut er årets Valdresambassadør
23.04: Varm velkomst for Valdres i Oslo
22.04: Vekas turforslag (14) - Gardbergstigen
19.04: Ei veke som Mikkjel Fønhus
17.04: Oslo-ordfører Fabian Stang tar imot Valdres på lørdag
16.04: Mjølkebønder - gje Brekk noko å tygge på!

Dagens valdres-uttrykk

Tæva

Å puste

Fleksibelt forum for tradisjonshandverkarar

Restaureringa av Bjørkheimstølen blir utført ved godt fagleg handverk. Foto: Odd Arne Rudi

tysdag 17. november 2009 14:17, Katharina Sparstad

Om lag 30 møtte fram til temakveld for handverkarar i Valdres 11. november. Einar Engen frå Norsk Kulturminnefond og Else ”Sprossa” Rønnevig frå Lillesand var inviterte til å halde innlegg. Else Rønnevig har eit spanande restaureringsprosjekt på Bjørkestølen på Kinnholt i Vestre Slidre.

Vi fekk også ein presentasjon av den nye bygningsvernrådgjevaren for Valdres, Odd Arne Rudi, som er nytilsett ved Valdresmusea AS. Møtet vart leia av kulturminnekonsulent Katharina Sparstad i Valdres Natur- og Kulturpark.

Norsk Kulturminnefond evaluerer arbeidet i Valdres

Einar Engen frå Norsk Kulturminnefond.

Sidan Valdres Natur- og Kulturpark vart etablert for snart tre år sidan, har talet på restaureringstiltak i Valdres auka betrakteleg. Ved etableringa vart også Valdres ein pilot for Verdiskapingsprogrammet for kulturminne, og gjennom dette programmet er det gjeve tilsegn om fleire millionar kroner til restaurering frå Norsk Kulturminnefond. Valdres skil seg godt ut på statistikken i høve til tilsegn frå Norsk Kulturminnefond. Saman med Nord-Gudbrandsdalen ”stikk av” Valdres av med en stor slump av fondet kvart år. Norsk kulturminnefond har eksistert i fem år, og har no hatt ei evaluering av tiltaka som har gått gjennom Verdiskapingsprogrammet. Evalueringa har mellom anna sett på økonomistyring og fagleg utføring av tiltaket. Dersom tiltaket ikkje er utført i samsvar med kriteria, vert heile eller delar av tilsegna drege attende. For Valdres sitt vedkommande ser dette ut til å ha gått bra, men vi slit med å få nok folk som har tilstrekeleg kompetanse til å gjennomføre tiltaka.

Behov for fagmiljø

Det er derfor gledeleg å sjå at interessa for restaurering også har auka blant handverkarane. Valdres har til og med hatt arbeidsinnvandring som ein følgje av aukande behov for fagfolk. Til no har mange handverkarar nytta Norsk Kulturminnefond som ”sparringspartarar” i arbeidet, men sjølv om Norsk Kulturminnefond er svært hjelpsame med både synfaringar og faglege spørsmål, må Valdres styrke eigen kompetanse. Derfor har også tradisjonshandverkarar i Valdres etterlyst eit forum der dei kan diskutere faglege problemstillingar.

Nye kurs på Bjørkestølen

Bjørkheimstølen før restaurering.

Ein annan ”eldsjel” på temakvelden var Else ”Sprossa” Rønnevik som fortalde om restaureringsprosjektet på Bjørkestølen. Tiltaket hennar vert brukt til både kurs og dokumentasjonsprosjekt. Hausten 2009 vart det halde kurs i tørrmuring og overflatebehandling, medan det til neste år vert kurs i vindaugsrestaurering, never og torv på tak, skifertekking og pipe/bakarovn. Kursa vert arrangert av Valdresmusea AS i samarbeid med Valdres Natur- og Kulturpark.

Ny bygningsvernrådgjevar ved Valdresmusea AS

Valdres er no i ein svært gunstig situasjon i og med at vi har fått ein eigen bygningsvernrådgjevar som tek på seg ein dag gratis synfaring for alle eigarar av gamle hus i Valdres samt anna fagleg vegleiing innan bygningsvern. - Førebels er stillinga knytt til Verdiskapingsprogrammet for kulturminne som går ut 2010, men vi vonar sjølvsagt at stillinga vert permanent, seier kulturminnekonsulent Katharina Sparstad.

Konstruktive innspel

Frå temakveldmøtet i Slidrehuset på Valdres Folkemuseum. Foto: Odd Arne Rudi

Også møtedeltakarane var svært positive, og kom med mange nyttige innspel på korleis vi kan arbeide vidare med bygningsvern i Valdres. Eit av innspela var at Valdres bør ha ein ”materialbank” for bygningsdelar frå gamle hus som vert rehabilitert eller rive. Dette kan vere takskifer, dører og vindauge, for å nemne noko. Andre etterlyste ei liste over dei som kan ta på seg ulike oppdrag innan tradisjonshandverk i Valdres. Dette er sjølvsagt mogeleg, men med atterhald om kvalitetssikring. Mange handverkarar i Valdres manglar formell utdanning, men sit med svært mykje praktisk kompetanse. Gruppa av frammøtte var samansett av alt frå huseigarar og hobbysnikkarar til profesjonelle handverkarar. Det var derfor semje om at eit forum for tradisjonshandverkarar må vere fleksibelt i høve til behov. I første omgang er bygningsvernrådgjevaren kontaktperson medan kulturminnekonsulenten i Valdres Natur- og Kulturpark er konsulent. Ein viktig samarbeidspart er sjølvsagt VerneVøla som er lokallaget for Fortidsminneforeininga i Valdres.

Denne veka vert det sett opp ei utstilling i Leira kjøpesenter som syner ulik tradisjonshandverk i Valdres. Dette kan bli ein spanande presentasjon det er verd å besøke no før julestrida. Initiativtakar til dette er Anders Sundvoll frå omn-verkstaden på Leira.