Møteplassar

- Me tenkjer oss lokale scener som viktige møteplassar, og me vil blant anna diskutere formidlingsformer og ulike driftsmodellar – både frå musikarens og arrangøren sin ståstad, fortel dagleg leiar, Bente Hemsing. - Me planlegg at dette blir eit innføringsseminar som blir følgd opp med eit større seminar vinteren 2011. Austnorsk folkemusikksenter ynskjer på sikt å utarbeide eit modellprosjekt - ein manual for etablering av konsertscene i bygde-Noreg.

Målgruppa for seminaret er etablerte arrangørar, artistar, kulturarbeidarar, offentleg tilsette og tilsette i frivillige musikkorganisasjonar. Det blir seminarstart og konsert med Karl Seglem trio fredag kveld og seminar med innleiarar laurdag.

Austnorsk folkemusikksenter

- Det nystarta Austnorsk folkemusikksenter arbeider for profesjonelle folkemusikarar og andre profesjonelle utøvarar i det rytmiske feltet på Austlandet, og me ynskjer å kunne gje rettleiing, rådgjeving og hjelp til utøvarar som har musikken heilt eller delvis som leveveg, avsluttar Bente Hemsing.

Styret i Austnorsk folkemusikksenter består av:
Leiar: Ole Aastad Bråten
Nestleiar: Randi Skeie
Styremedlemmer: Frode Rolandsgard, Camilla Granlien og Eirik Høyme Rogn
Vararepresentantar: Ellen Persvold, Erling Lae og Arne Moslåtten

Det er foreløpig ingen medlemskontingent, og Bente oppfordrar alle som er interessert i å bli medlem, til å ta kontakt for meir informasjon! Ta kontakt på tlf. 97 15 24 45.