Kvar kommune har valt eit tema for besøket, og Etnedal innleier med ”Det eventyrlige Valdres”. Kongeparet kjem til Bruflat på føremiddagen måndag, og skal sjå ei kunstutstilling av lokale kunstnarar og besøke Etnedalsheimen. På veg hit skal dei bli presenterte tre tablå som illustrerer kommunetemaet.

Oppvekstvilkår og tradisjon

Deretter står Øystre Slidre for tur. Her skal H. M. Kongen opne den nye skulen i Rogne og bli underhalde av elevar og andre. Bioforsk Løken og Beitostølen helsesportsenter vil informere om si verksemd. Tema i Øystre Slidre er ”Oppvekst i ei fjellbygd – kunnskap og kunst”. Dagen blir avslutta i det nye Velkomstbygget på Valdres Folkemuseum. Nord-Aurdal har valt temaet ”Tradisjonsvaldres”.

Næring, kultur og fargerikt fellesskap

Dagen etter dreg Kongeparet med følgje til Vestre Slidre og Vang. "Næring og kulturskole” er temaet i Vestre Slidre, medan Vang viser litt av ”Det flerkulturelle Valdres”. Det blir besøk på Vasetstølen, Vangssteinen og Høre stavkyrkje.

Marknad og kultur

Fylkesturen blir avslutta på føremiddagen onsdag 9. juni, ved at Kongeparet får sjå eit tusentalsspel på 1000-årsstaden Vangen i Bagn. Her blir det også nedlegging av blomster på ein bauta over dei som fall under siste krig. Etter lunsj besøkjer Kongeparet Bautahaugen i Hedalen. Tema i Sør-Aurdal er ”Marknad og kultur”.

Noko av det praktiske arbeidet knytta til turen vil Valdres Natur- og Kulturpark stå for. Under opphaldet skal Kong Harald og Dronning Sonja bu på Nythun høyfjellstue.

Me ynskjer dei velkomne!


Les meir om kongebesøket her og på heimesidene til kommunane. (Klikk på kommunenamnet i artikkelen over).