Vangsgjelding

Kva slags kompetanse?

Profesjonalisering, festivalvekst og samarbeid mellom dei nemnde sjangrane er stikkord for å forstå etableringa av Rytmisk kompetansenettverk for Østlandet. Kompetansebehovet for dei profesjonelle utøvarane er stort, og knyter seg i hovudsak til virkefelt som produksjon- og produsentkompetanse, lov og avtalerett, styrking av konsertnettverk, etablering av konsertscener, turnéarbeid, marknadsføring og merkevarebygging. Kompetansen skal gjerast tilgjengeleg gjennom kurs, seminar, konferansar, samlingar og møte.

Forankring

Det er regjeringa som legg opp til drift av slike regionale kompetansesenter. Gjennom St. meld. nr. 21 (2007—2008) heiter det at: Formålet er å bidra til et landsomfattende og kostnadseffektivt nettverk av kompetansesenter på det rytmiske området. Den kompetansen som finnes i den enkelte region må styrkes, samordnes og stilles til rådighet for de regionale aktørene på det rytmiske feltet.

Regionale samarbeidspartnarar

Oppland fylkeskommune og Valdres Natur- og Kulturpark er viktige samarbeidspartnarar for Austnorsk folkemusikksenter, i Valdres. Oppland fylkeskommune løyvde tidlegare i år 600 000 kroner til drift av Austnorsk folkemusikksenter. Valdres Natur- og Kulturpark har for 2010 løyvd 300 000 kroner i tilskott.