Valdresmusea har i fleire år arbeidd med å få stavkyrkjeportalen frå Ulekyrja i Bagn på heimlån fraå Nationalmuseet i København. Dette var tenkt å skje i år.

Portalen er frå Ule stavkyrkje, som sto rett opp for Bagn sentrum i Sør-Aurdal kommune. Portalen har vore i København i 150 år. Museet håpa å ha portalen på plass til opninga av Velkomstbygget 7. juni i år. Dette synte seg å bli litt for omfattande arbeid samstundes som bygget skulle ferdigstillast, så datoen vart endra til Den Store Kyrkjedagen 19. september.

Museet har fått klarsignal frå Nationalmuseet til lån. Men etterkvart syner det seg at Nationalmuseet stiller så mange krav til forsikring, montering, transport, kurer, mannskap, sikkerheit m.m., at utgiftene vil bli ca. 200 000 kroner. Det blir stilt krav til temperatur og fuktigheit i utstillingsrommet, noko museet ikkje har oversyn over endå for nybygget, slik at spesialmonter må byggast.

Konklusjonen blir då at Valdresmusea dessverre ikkje har råd til ei så omfattande utstilling i år, og har gitt Nationalmuseet melding om dette. Kan hende ein på lengre sikt kan få økonomisk grunnlag for eit slikt heimlån.

Nokon som kjenner seg kalla?