Dette er hovudbodskapen i kursserien som er planlagt i tre valdreskommunar neste veke. I Høre, på Tonsåsen og på Soltun vil Dagny Hovi og Marthe Sollien gje gode råd om mat i kvardagen. – Me har mykje god kompetanse på fornuftig mat her i Valdres, og det er synd at berre dei som får ei diagnose eller henvising får tilgang til dette. Difor har me valt å kjøre tre opne kveldar der alle som er opptekne av mat i kvardagen kan møte. Her vil dei få høyre erfaringar som er gjort etter fleire tiår med gode resultat på Tonsåsen, og kunne stille spørsmål og vera med og debattere, held Ine Wigernæs fram.

Aktivitet og allsidig kost

- Råda vil famne veldig breitt. Det blir slett ikkje berre fokus på grønsaker, fem om dagen og et mindre kjøt, seier ho vidare. – Fysisk aktivitet er sentralt. Er du aktiv er det meste OK, meiner Ine. Ho er folkehelsekoordinator i Valdres Natur- og Kulturpark, og står som arrangør av kursa. – Noko av poenget er også å prøve å rydde opp i virvaret av gode råd som florerer. Såkalla ja/nei-mat er det siste me vil fokusere på. Sjølv den minste butikk i Valdres har dei matvarene du treng, meiner ho.

Gode matrutinar

På møta vil det vera fokus på det gode feittet, god fordøyelse og stabilt blodsukker. Det er eit poeng å få gode rutinar på maten. Ei god gamaldags matpakke er ikkje å forakte, om ein ikkje har høve til det faste måltidet ein dag eller to i blant.

Gratis kurs

Kursa er gratis, og med på laget har Ine sikra seg Bama som stiller med eit godt utval av frukt og grønt til deltakarane. Ofte er slike kurs i regi av nokon som skal tene pengar på deg og som skal skal selje piller eller pulver. Her kan alle være trygge på at informasjonen er trygg og utan slike element, forsikrar Ine og ynskjer alle velkommen.

 Kursinformasjon her.