Heftet vil vera gratis og kan etter kvart skaffast på alle kommunehus eller ved å Denne e-postadressa er beskytta mot program som samlar e-postadresser. Du må aktivere JavaScript for å kunne sjå adressa . Heftet inneheld også dei tolv artiklane som Valdresmusea har hatt som "Månadens kulturminne" i avisa Valdres. Du kan laste ned heftet her. (3 Mb)

Kulturminneåret 2009 har hatt markeringar og tiltak over heile landet. Den nasjonale satsinga har vore organisert gjennom Norsk Kulturvernforbund som også har koordinert fordeling av midlar til tiltaka. Finansiering av tiltaka har gått gjennom Norsk kulturråd, Norsk Kulturvernforbund og Fylkeskommunane i eit spleiselag mellom kommunar, lag og foreiningar.

I Valdres har me organisert tiltaka mellom Valdresmusea, kommunar og Valdres Natur– og Kulturpark. Åtte skular legg til rette kulturstiger i nærområda. Og historielag og foreiningar har lagt til rette  stigar i Hedalen, Begnadalen, Åbjør og Beito.  Enkelte stølslag har også fått skilt til stigar i stølsområda. Etnedal kommune har i samband med kulturminneåret også hatt eigne arrangement knytt til Lundebrue i samarbeid med Valdres Natur– og Kulturpark og Statens Vegvesen.

Valdresmusea har i 2009 hatt ei samarbeid med 8. klassane i Valdres om eit ”IKON-prosjekt” der ungdomane skal biletleggjera sitt Valdresikon. Ti av desse er trekte ut til ei eige utstilling på Valdresmusea. Kulturminneåret 2009 har vore breitt forankra og skapt bra engasjement mange stader. Sjølv om kulturminneåret er over for denne gongen, håpar me at engasjementet held fram.