Valdres fylgjer opp satsinga og satsar på eit år der vi får fram minne som betyr mykje for mange – og som omgjev oss til dagleg. Dette er eit år der frivillige lag, organisasjonar, skular og barnehagar skal få sleppe fram med sitt kulturminne. Alle historielag, kommunar, skular og barnehagar i Valdres er kontakta, og det ser ut til at vi har brei oppslutning om satsinga.

Ver med og skriv!

Kulturminnekonsulent: Katharina Sparstad i VNK organiserer arbeidet med "Vekas kulturminne" her på portalen. Foto: Nils Rogn

Kvar laurdag vil du på denne sida finne ”Vekas kulturminne”. Valdres Natur- og Kulturpark har invitert lag, foreiningar, kommunar og privatpersonar til å skrive ein liten snutt om eitt eller fleire kulturminne – og dette kjem på www.valdres.no gjennom heile 2009. Ved slutten av året blir artiklane samla i eit eige hefte. Vi har fått inn ein del forslag til ”Vekas kulturminne”, men enno er det plass til fleire artiklar. Send inn til oss, eller ta kontakt med kulturkonsulenten i kommunen din. Hugs å legg med eit bilete!

Kulturstig og Valdres-ikon

I tillegg til ”Vekas kulturminne”, er skular og barnehagar engasjerte i kvar sin ”Kulturstig”. Fleire har meldt inn sitt ynskje, og dei beste seks tiltaka vinn ein GPS Garmin 60CSx! Elles er ungdomsskulane oppfordra til å teikne, lage bilete eller skrive sitt Valdres-ikon. Vi vonar mange deltek her også, slik at vi får til ei flott utstilling på slutten av året!

Les meir om kulturminneåret på http://www.kulturminneaaret2009.no, og hald deg à jour om satsingane i Valdres på "blogg" om arbeidet i kulturminneåret i Valdes på http://www.valdres.museum.no