Vi ynskjer deg velkomen til Valdresmusea! Ved dei fire avdelingane kan du ta del i ei mengd aktivitetar, utstillingar og arrangement. Den største bunad- og folkedraktutstilling i landet, faste folkemusikk- og folkedansprogram, dyr på beite, omvising i husa, tradisjonskost og friluftsteater er nokre av tilboda.

Valdresmusea har elles lokalhistorisk bibliotek, studiesenter, privatarkiv, folkemusikkarkiv, instrumentverkstad, vekslande utstillingar og store fotosamlingar.

Det nasjonale Bunad- og folkedraktrådet held til på Valdres Folkemuseum.
Bunad- og folkedraktrådet er eit nasjonalt kompetansesenter som arbeidar med dokumentasjon og formidling av folkedrakt og bunad. Vårt mål er å fremje kunnskap om folkedrakt og bunad som kulturuttrykk, og bruk og tilvirking av desse drakttypane.

Valdresmusea
Adresse: Tyinvegen 27, 2900 FAGERNES
Tlf: 61 35 99 00
Denne e-postadressa er beskytta mot program som samlar e-postadresser. Du må aktivere JavaScript for å kunne sjå adressa
www.valdresmusea.no

Bunad og Folkedraktrådet
Adresse: Tyinvegen 27, 2900 FAGERNES
Tlf: 61 36 62 50
Denne e-postadressa er beskytta mot program som samlar e-postadresser. Du må aktivere JavaScript for å kunne sjå adressa
www.bunadraadet.no

BAUTAHAUGEN SAMLINGER - HEDALEN

Bautahaugen Samlinger er eit friluftsmuseum med gardstun, seteranlegg, husmannsplass med krambu og skuleutstilling. Her finn du mellom anna fiskebu frå Vassfaret, ei sjeldan årestove, og ei gamal kvern i Hedalselva.

Bautahaugen Samlinger vart grunnlagt i 1902 og fekk namnet etter bautasteinane som vart reist til minne om kampane i 1814. Her er også «Kongesteinen» og «Dronningbordet», frå 1905.

Omvising alle dagar (ikkje måndag) i høgsesongen. Venneforeininga for Bautahaugen skapar aktivitet på museet gjennom sommaren.

Opningstider

Høgsesong: Dagleg kl. 12–15. Måndagar stengt. Elles etter avtale.
Reisten av året: Etter avtale.
Tlf. 61 34 88 00.
Du finn oss i Hedalen i Sør-Aurdal kommune, avkøyring frå E16 ved Begnadalen kyrkje.

BAGN BYGDESAMLING - BAGN

Bagnsbergat'n gård

Ei krigsminneutstilling i samband med krigshandlingane i Valdres 1940 er sett opp inne i administrasjonsbygningen. Av utstillingar elles kan nemnast husgeråd, verkstader, skogsdrift frå før motoriseringa, forfattaren Mikkjel Fønhus og komponisten Sigurd Islandsmoen.

Omvising alle dagar (ikkje måndag) i høgsesongen.

Opningstider
Høgsesong: Dagleg kl 11–16. Måndagar stengt.
Resten av året: Etter avtale
Tlf. 61 34 77 49
Du finn oss 5 km sør for Bagn i Sør-Aurdal, langs E16

GARDBERGFELTET - VESTRE SLIDRE

Gardbergfeltet med Einangsteinen i Vestre Slidre er eit av dei største og mest omfattande gravfelta frå jernalderen i landet. Her finn ein om lag 1000 gravrøyser og meir enn 900 funn frå romersk jernalder og fram mot mellomalderen. Området har også spor av den enorme jernutvinninga som fann stad i Valdres før, under og etter vikingtida.

Einangsteinen er frå rundt år 300 og er den eldste runesteinen i Nordvest-Europa som står på sin opphavlege plass.

I Gardbergfeltet kan du gå ei runde sjølv, eller bli med på omvising. Valdresmusea tilbyr omvising for skuleklasser og grupper etter avtale. Informasjonstavle og brosjyre på staden.

Opningstider
Ope mai til oktober, så lenge det ikkje er snø.
Tlf. 61 35 99 00.
Du finn oss i Vestre Slidre kommune, avkjøring merka frå E16 ved Slidre.

VALDRES FOLKEMUSEUM - FAGERNES

Valdres Folkemuseum

Valdres Folkemuseum vart grunnlagt i 1901 og er eit av dei største friluftsmusea i landet, med 97 hus og anlegg. Museet ligg vakkert til på Storøya ved Fagernes.

I sommarsesongen er det mange aktivitetar, museumsbutikk, omvisingar på fleire språk og servering av valdreskost på ”Nystøga”. Valdres har eit levande folkemusikk- og folkedansmiljø. På museet kan oppleva valdresungdom som spelar hardingfele og langeleik, og dansar i god valdrestradisjon.

Naturstigen på museet er 1,7 kilometer lang. Denne er fornya fom 2009 i samarbeid med skogeigarane i Valdres. På museumsplassen er det leikeplass for borna. Her finn du huske, sandkasse, balansestokk og stylter.

På stølen er det fleire hus frå 1700-talet. Tvengestølen vart bygd i 1947, og oppsett på museet i 1998 som ledd i satsinga på å dokumentere og formidle vår nære fortid. Om sommaren er det aktivitetar for heile familien, og på museumsområdet går det husdyr .

Valdres Folkemuseum er arena for store arrangement som Jørn Hilme-stemnet, Landbruksdagen, 17. mai og friluftsteateret Sol av Isfolket. Bunad- og folkedraktrådet har store dokumentasjonssamlingar frå heile landet, tilgjengeleg etter avtale.

Opningstider
Høgsesong: Kvar dag kl. 10–17.
Mellomsesong: Kvar dag kl. 10–16.
Reisten av året: Måndag–fredag kl. 10–15.
Tlf. 61 35 99 00.
Du finn oss i Nord-Aurdal kommune, vest for Fagernes sentrum, gangavstand.

Årsprogram

Valdresmusea har eit mangfaldig årsprogram. Oversikt og omtale av arrangement, opningstider og billettprisar finn du på våre nettsider www.valdresmusea.no.

Omvising for grupper kan bestillast på alle avdelingane

Bli med?

Valdres Folkemuseum, Bagn Bygdesamling og Bautahaugen Samlinger har aktive venneforeiningar. Meir informasjon om desse finn du på heimesida www.valdresmusea.no.

Årskort

Er du mykje på Valdres Folkemuseum kan årskort være løysinga for deg. Vi sel årskort i museumsbutikken eller ta kontakt på telefon eller e-post.