Tæva

Den kjende foredragshaldaren, journalisten, redaktøren og forfattaren Mona Levin held foredrag om norsk jødisk kvardagsliv i 160 år, i festsalen på Valdres Folkemuseum tysdag 7. februar kl. 19.00.
Ope kafé: Sal av kaffi og kake

Inngang kr 80,-

Mona Levin har vore knytt til kulturredaksjonen i Aftenposten sidan 1973, dei siste 17 åra som frilans teaterkritikar med musikk- og underhaldningsteater som spesialitet. Ho er også redaktør av Klassisk Musikkmagasin, og er ein ofte brukt foredragshaldar.

Mona Levin er norsk jøde, busett i Sandefjord, og engasjerer seg i mellom anna debattar om minoritetane i Noreg og framveksten av ein ny antisemittisme.

Mona Levin har skrive ei rekke bøker, mellom dei tre store biografiar: Med livet i hendene (Cappelen 1984), Wenche Foss. På livets scene (Gyldendal 1992/2007) og Arne Næss jr. – Granitt og regnbue (Gyldendal 1995).

Arrangementet er i samarbeid mellom Valdresmusea, Bladet Folkemusikk og MIFF Valdres.