Valdreskvalitet-emblemet

Grunnlaget for den gode maten i Valdres er gode råvarer, ein oppskriftstradisjon med stort mangfald, eit framifrå handtverk og rause porsjonar. Men det er og ei utfordring å utvikle denne rike matkulturen med ny kunnskap for ei ny tid. Og dette tek matprodusentane i Valdres på alvor.

Merkeordninga Valdreskvalitet

Merkeordninga gir deg som forbrukar ein garanti for at matvarene held den kvaliteten du forventar å få her i dalen. Rakfisk, spekeskinke, kurv eller spekepølse i mange variantar, flatbrød, ulike ostar og andre mjølkeprodukt. Kjøt frå gardsbruk som tek kulturlandskap og stølstradisjonar på alvor, ja til og med øl frå eige bryggeri kan ein få kjøpt med kvalitetsmerke frå Valdres.

Ved å velje produkt med denne merkinga kan du vera trygg på høg kvalitet, samstundes som du støttar eit miljøvennleg småskala landbruk som skjøttar ein rik kulturarv, viktig for oss alle.

Klikk her for å lesa meir om Valdreskvalitet BA.