Vangsgjelding

Valdres er ein region av 6 små kommunar med eit samla folketal på vel 18.000 innbyggarar. Regionen har eit felles service- og arbeidsmarked med Fagernes som det naturlege sentrum i dalen.

Valdres Natur- og Kulturpark er elles node til Forum for Kultur og Næring som gjev Valdres mykje kompetanse og fordeler.

Reiseliv og handel er den største næringsvegen tett etterfølgd av primærnæring. Stamvegen mellom Oslo og Bergen (E16) går gjennom dalen og vi har flyplass med daglege avgangar mot Gardermoen.

Sjølv om arbeidsmarknaden i den enkelte kommune ikkje er altfor stor, har dei fleste interessante jobbmuligheiter innanfor grensene til regionen. Det viser seg at mange av  innbyggarane i  regionen har arbeidsplassen sin i ein annan kommune enn den dei bur i. Dei korte avstandane gjer det muleg å bu i ein kommune, jobbe i ein annan og nytte fritidstilbod i ein tredje.

Besøk NAV for å sjå etter ledige stillingar i Valdres.

Du finn også mykje nyttig informasjon på sidene til Valdres Næringsforum og Øystre Slidre Næringsforening.

Lurer du på kva dei ulike regionale organa står for (Valdres Natur- og Kulturpark - Valdres Destinasjon - Valdres Næringsforum - Valdres Næringshage - m.fl.) får du ei grei innføring i denne brosjyren.