Stølsvidda

Stølsdrifta og stølskulturen er ein svært viktig del av kulturarven vår. Stølskulturen har betydd mykje for utviklinga av den nasjonale identiteten og mat- og musikktradisjonar her i landet. Stølsdrifta har langt attende i tida sett sitt preg på kulturlandskapet. Om sumaren flytter ofte familien på garden til fjells med buskapen for å utnytte det saftige fjellbeitet til produksjon av mjølk og kjøt.

Stølsbruket er dei fleste stader i tilbakegang, men i Valdres har vi framleis eit levande stølsmiljø med rundt 300 stølar i aktiv bruk med kyr og mjølkeproduksjon. I tillegg blir ein stor del av dei andre stølane brukt til beite eller fôrproduksjon. Stølsbruket i Valdres er i omfang og posisjon heilt spesielt i landssamanheng.

Ved sida av å vera nødvendig for jordbruket, har stølsdrifta skapt eit svært rikt biologisk mangfald.

Stølsbruket er og svært viktig for reiselivet. Aktivt stølsbruk med det tilhøyrande stølslandskapet, er viktig for å kunne marknadsføre Valdres som reiselivsmål.

Jotunheimen

Jotunheimen er Norges mest kjente og mest majestetiske fjellområde, med 1140 km² nasjonalpark og 300 km² landskapsvernområde. Jotunheimen er eit unikt område med urørt natur, frisk luft og et spennande og utfordrande fjellområde for turvandrarar. Av dei ca.300 toppane over 2000 meters her i landet, ligg mellom 80 og 90 prosent i Jotunheimen. Fjellområdet har eit godt utbygd hyttenett og mange merka stiar, både familievennlege og litt meir krevjande.

Kulturlandskapet

Les meir om kulturlandskapet i Valdres.

Verneområde

Fleire område i Valdres er så unike og dyrebare at dei har blitt verna. Klikk her for å lesa meir om verneområda.