Søykja

Valdres er saman med Nord-Gudbrandsdalen ein av elleve pilotar for Verdiskapingsprogrammet for kulturminne. Dette betyr ei ekstra satsing for tiltak som kan gje auka verdiskaping i Valdres.

I Stortingsmelding nr 16 (2004-2005) ”Leve med kulturminner” sluttar stortinget seg til at mangfaldet av kulturminne og kulturmiljø skal gje grunnlag for kunnskap, opplevingar og verdiskaping. Med bakgrunn i dette starta Riksantikvaren i 2006 ”Verdiskapingsprogrammet for kulturminner”. Hensikta er å bidra til at kulturminne og kulturmiljø blir tatt i bruk i utviklinga av lokalsamfunn og næringsliv.

Som ei direkte følgje av dette ble Valdres saman med Nord-Gudbrandsdalen i 2006 valt ut som ein av elleve pilotar for Verdiskaping for kulturminne i ”Opplandspiloten”.

I 2007 vart også Pilgrimsleden til Trondheim gjennom Oppland ein del av Opplandpiloten. Pilotstatusen skal vare ut 2010.

Hovudintensjonen med Verdiskapingsprogrammet i Valdres er å styrke kulturarvsdimensjonane innanfor Valdres Natur- og Kulturpark. Valdres har største delen av stølar i drift i Nord-Europa, og har derfor eit spesielt ansvar for ta vare på desse.

Valdres er også i ei særstilling med heile 6 av dei 28 stavkyrkjene i Noreg.

Valdresregionen har frå september 2006 tilsett ein egen kulturminnekonsulent som skal bidra til å fremje verdiskaping og næringsutvikling knytte til kulturminna.

Les meir om pilotane hjå Riksantikvaren.

Last ned handlingsplan for kulturminne i Valdres (PDF, 500 kb).

Last ned brosjyre om Verdiskapingsprogrammet for kulturminne i Valdres (pdf. 819kb).