Om

Olavstøga

Rett opp for Vang kyrkje, med utsyn over vakre Vangsmjøsa og dei bratte vangsfjella, ligg garden Sørre Ellingbø. Her står Olavstøga, eit toetasjes tømmerhus frå 1840-åra. I Olavstøga bur du i ei varm og gamaldags atmosfære med moderne løysingar. Huset er ei reise tilbake i tid, og utanfor er det stort område til disposisjon. Ovanfor garden er er det ein gapahuk du kan nytte, her er det fint å grille, leike, nyte utsikta og sjå på stjernehimmelen.​​​​​

Turvegen Kongevegen  over Filefjell går ikkje langt frå garden, og avstanden er kort til alle fjellområda i Vang. 

Gards- og stølslivet er rikt på kultur og tradisjon, moderne dyrehald og friluftsliv. Vi kan ta dykk med på tur, og året rundt er det eit utal aktivitets- og turmoglegheiter her.

Olavstøga kan du bestille her.

Stølen på Helin

På stølslaget Helin, nokre kilometer frå garden, har vi ei lita tømmerhytte der vi har husa gjester sidan 2017. Hytta er lita, men romsleg, og har fem sengeplasser. Vi støler i seks veker om sumaren med mjølkekyr. Som gjester hjå oss, er de einaste gjester, og det er heller ikkje anna turisme på stølslaget. Vi har også griser, og rundt på stølslaget er det sau, storfe og hestar. Å delta på mjølkestellet er ei oppleving for liten og stor, og mange ungar får "sin" gris eller "si" kyr, når dei er hjå oss. For mange er eit opphold på stølen som ei reise bak i tid, og ein stad der tida går litt saktare, ein plass å nyte livet litt ekstra. Som nemnt kan vi også ta dykk med på tur, og året rundt er det eit utal aktivitets- og turmoglegheiter her.

Stølen kan du booke her.

Meir info på heimesida vår www.ellingbogard.com