Om

Velkomen til foredrag med Ingeborg Solbrekken. Ho kom nyleg med boka Jøden og jorden der ho dokumenterer korleis den jødiske gardbrukaren Hans Salomon og familie hans har blitt behandla, frå 1939 til i dag. Dette er rystande lesing som viser at antisemittismen i Norge ikkje var over i 1945. Det blir høve til å stille spørsmål og dele eigne historier.

 

TID: Måndag 8. mai kl. 19.00
STAD: Valdres Folkemuseum
​PRIS: 100 kr (gratis for årskortmedlemer)​
ARR: Valdresmusea

 

Om boka

Ingeborg Solbrekken kom over nokre handskrivne rapportar frå krigen som fortalte om ein jødisk gardbrukar i Vang. Kvifor var han ikkje blitt omtala før? Ved hjelp av nokre få opplysningar i ei bygdebok, fann ho Salomons danske son. Etter dette folda den dramatiske og lidingsfulle historia til gardbrukar Hans Salomon seg ut, gjennom ulike beretningar og arkivfunn. Folk fra bygda hadde malt «Jødesvin» på båten hans og «Jødedjevel» inne i huset hans. Etter krigen tok Vang herredsstyre garden frå han.

Om forfattaren

 

Ingeborg Solbrekken (f. 1961) er sakprosaforfattar og dramatikar. Dei biografiske verka hennar om Kirsten Flagstad er blitt mykje omtala og er oversett til fleire språk. Ho har også forska på utanomrettslege sider ved oppgjeret etter den andre verdskrigen i Noreg og ga i 2015 ut boka Landssvikoppgjørets hemmelige historie. I 2018 ga ho ut ei bok om den kommunistleia motstandsrørsla i Noreg under krigen, Gestapos mest ettersøkte nordmenn.