Om

Det er 1000 år sidan Olav Haraldson for gjennom Valdres, frå vest til aust, skal vi tru Snorre. Heilag Olav har også lete etter seg ei mengd segner og stadnamn som seier mykje om kva han har betydd for folk her. Desse vil vi leite fram, vise og fortelje om når vi går i dette vakre Valdres-landskapet; i møte med den leia som Olav truleg for.

Vi byrjar på Nysetstølen i Etnedal og endar opp til festgudsteneste i Slidre domen Olsok 29. juli. Vi går delvis langs Frugevegen (den gamle vegen mellom Hamar og Bergen) gjennom fire kommunar; Etnedal, Nord Aurdal, Øystre og Vestre Slidre. Lengste etappe er omlag 17 km i lett tur terreng. Det vert overnatting på hotell og i eige telt. Det vert sørga for mat og drikke og bagasjen vert frakta mellom overnattingsstadane, slik at ein berre treng å bære med seg det ein treng for dagsmarsjen.

Turpris kr. 3500 og fyldigare informasjon vil bli sendt ut til påmeldte.

Ved interesse eller påmelding ta kontakt med Eli Vatn, ev869@kyrkja.no .