Lyden av Valdres

Du er her Home > Informasjon > Product Catch all > Lyden av Valdres

Lyden av Valdres

Om

Velkomne til Lyden av Valdres!

Kva er eigentleg lyden av Valdres? Denne kvelden skal me finne svaret, og kanskje er det deg me høyrer frå scena.

LYDEN AV VALDRES er møteplassen der artistar frå heile dalføret får sjansen til å vise seg fram når festivalnettverket i Valdres for fyrste gong går saman om å invitere til show-casefestival!

Gjennom kvelden vil me fylle scenene Trykkeriet Kulturarena, Briskeby Ungdomsklubb (U18- scene) og Fagernes Kulturpub med musikk frå heile dalføret, og me håper å sjå folkemusikk, klassisk, pop, rock, vise, band, soloartistar, ensemble og uttrykk som ikkje passar inn i nokon boks i påmeldingslista!

Sjå Facebookevent her

- Er du artist frå Valdres og over 14 år?

- Har du lyst til å stå på scena?

- Spelar du aleine eller saman med andre?

Då vil me høyre frå deg!

Her kan du lese meir om kriteriane og melde deg på: https://forms.gle/LbpHmk9TgPBXRKpTA

Festivalnettverket ønskjer å løfte fram musikkmiljøet i Valdres og skape nye moglegheiter for artistar i regionen. Målet er at LYDEN AV VALDRES skal bli ein arena for utvikling, nye møte og kanskje også framtidige festivalbookingar.

For publikum:
*3 ulike scener
*opp til 15 konsertar
* Éin billett – tilgang til alt

Velkomen til ein kveld full av musikkmøter, nye stemmer og lyden av Valdres

Arrangeres i samarbeid mellom: Vinjerock, Rakfiskfestivalen, Jørn Hilme-stemnet, Trollrock, Beitosprinten, Valdres Sommersymfoni, Hedalen Kulturfestival, Valdres Natur- og Kulturpark