Om

I høve Valdres Folkemuseum sitt 125-årsjubileum inviterer vi til ein kveld om Knut Hermundstad og den store innsatsen hans for museet og kulturarven i Valdres.

Knut Hermundstad (1888–1976) vigde heile sitt vaksne liv til folkeminneinnsamling og kulturminnearbeid. Han var redaktør for, skreiv eller bidrog til over tjue bøker og ei rekkje tidsskrift om historia i Valdres.

12. november vil bygdebokforfattar Harald Hvattum fortelje om Hermundstad sitt liv og virke og kva han har hatt å seie for Valdres. Han vil løfte fram den omfattande utbygginga av friluftsmuseet på 1950-talet og Hermundstad si uvurderlege rolle som kjentmann og lokal tillitsmann for kulturminneforvaltninga og forskinga.

Professor i kulturvitskap Kyrre Kverndokk frå Universitetet i Bergen vil deretter fortelje om den store kulturhistoriske folkeminnesamlinga etter Hermundstad og kva potensial som ligg i dette materialet i dag.

Velkomen!

TID: Torsdag 12. november 2026 kl. 19.00
STAD: Festsalen Valdres Folkemuseum
PRIS: Kr 140 (kr 60 for dei under 26 år)