Skarke på Valdres Folkemuseum

Om

Skarke på Valdres Folkemuseum sundag 2. desember 2018 klokka 12.00–16.00                     

Tida før jul blir kalla skarke. Då førebur vi oss til jul med bakst og rundvask. I skarka på Valdres Folkemuseum fyrar vi i omnane og steller i stand til god, gamaldags førjulstid med både juleverkstad og marknad. Skarke blir arrangert for 24. gong og er eit tradisjonsrikt arrangement i Valdres.

Aktivitetar for barn og vaksne:
- Kanefart i friluftsmuseet
- Verkstader der du kan støype lys, lage peparkaker, julepynt, papirstjerner og sopelime
- Demonstrasjon av lefsebakst, trearbeid, firfletting og filering
- Forteljingar, folkemusikk og dans i Flatøygardsbygningen
- Tradisjonsrik basar v/Vennelaget for Valdres Folkemuseum
- Ver med og pynt juletreet i peisestova gjennom heile dagen

Sal av lokale mat- og handverksprodukt:
- Fleire lokale produsentar sel mat- og handverksprodukt frå gapahukar ute på museumsområdet (julemarked)
- Ute i husa blir det bakt lefser og julekaker og dei besøkande kan kjøpe med til julebordet.
- I museumsbutikken sel vi julenek og julegåver.
- Munkekroen serverer juletallerken og anna.

Parkering ved Valdres Folkemuseum og i parken på Fagernes 

BILLETTAR: Billettsal i døra. Unngå kø: kjøp på TicketCo