Utlysning av produksjonsstøtte for 2027

11. november 2026

Likar du å formidle folkemusikk og/eller folkedans og har ei god historie som fengjer born og unge? Då kan det vere produksjonsstøtte å hente i ordninga "Folkemusikk i notid og framtid". (Foto: SerhiiBobyk/iStock)

Ordninga Folkemusikk i notid og framtid utlyser no midlar til produksjonsstøtte i 2027

Valdreskommunane forvaltar ei tilskotsordning for produksjon og framsyning av folkemusikk og folkedans. I 2027 er det 60.000 kroner til fordeling. Støtta blir gitt til 1–3 produksjonar som produksjonsstøtte og/eller turnéstøtte.

Produksjonen skal ha røter i musikk- og dansetradisjonane i Valdres og utøvarane bør ha tilknyting til Valdres. Hovudformålet er at flest mogleg born og unge skal oppleve levande folkemusikk frå Valdres. Produksjonen kan inngå i den kulturelle skulesekken eller visast i samanhengar der det er naturleg at born og unge er med.

Søkjarar busett i Valdres vert prioritert.

I 2026 gjekk tilskotet til "Døgeniktenes Decennium", "I hovudet opp ned" og "Mikkel rev og bestevennen"

For å få produksjonsmidlar innan ”Folkemusikk i notid og framtid” må:

• Produksjonen skal være klar for framsyning innan utgangen av 2027
• Produksjonen skal vere eigna og visast på arena for born og unge/familiar/alle
• Produksjonar som blir produsert for Den Kulturelle Skulesekken skal sendast ut til alle Valdreskommunane

Her finn du søknadsskjema (Søknadsfrist: 15. desember 2026)

For spørsmål, ta kontakt med:
Frank Rolland/ frank.rolland@valdres.museum.no /90632556
eller
Bente Lindahl/ bente.lindahl@valdres.no /90939224.