Hemsingfestivalen flyttes til oktober
15. januar 2021
Hemsingfestivalen er kjent for sine "intime møter med stor musikk". Her spelar Eldbjørg og Ragnhild Hemsing i Aurdal fjellkyrkje i 2019. (Arkivfoto: Lene Hovi)
Som første Valdres-festival ut i 2021, melder Ragnhild og Eldbjørg Hemsing at den allereie nedskalerte, men planlagte Hemsingfestivalen i februar 2021 vert utsett til hausten.
Dette skriv dei på festivalen sine heimesider no i kveld.
- Som festivalarrangør er me no i ein situasjon med stor usikkerheit og med nye strengjare retningslinjer og restriksjonar på grunn av covid-19. Etter samtaler med kommuneoverlegen i Nord-Aurdal, har administrasjonen i samråd med styret til Hemsingfestivalen no vedteke å flytte festivalen frå februar til 8.-10. oktober. Dette er difor inga avlysning, men ei endring av datoar, skriv Eldbjørg og Ragnhild på nettsida www.hemsingfestival.com.
Norske artistar
Før valet om å utsetje årets festival hadde musikarsystrene allereie bestemt seg for invitere eit høgt nivå av nasjonale artistar, for å sikre at dei ikkje vart ramma av reiserestriksjonar mellom landegrenser. Men å avhalde ein intim musikkfestival allereie i februar, vart likevel for usikkert i desse dagar.
Sjå video frå Hemsingfestvalen 2020: Arve Tellefsen på festivalfrukost i Aurdal
- Håpar å sjå dykk
- Festivalen i oktober vil bli gjennomført med same plan som me skulle hatt i februar i år, og me håpar å sjå dykk alle på Hemsingfestivalen i oktober, seier Ragnhild og Eldbjørg på festivalens heimeside.
Informasjon om festivalprogrammet og sal av billettar vil bli oppdatert fortløpande på heimesida, www.hemsingfestival.com.
Ta kontakt med festivalhotellet, Nythun, for booking av rom.