Utlysning av produksjonsstøtte for 2026
5. november 2025
Bilete frå Åsgårdsreia Teaterlag si framsyning "Memento Mor di". Dette var eit av tre prosjekt som mottok tilskot for 2025. (Foto: Inger Marie Gunderhuset)
Utlysning av midlar til produksjonsstøtte for ordninga Folkemusikk i notid og framtid
Valdreskommunane forvaltar ei tilskotsordning for produksjon og framsyning av folkemusikk og folkedans. I 2026 er det 60.000 kroner til fordeling. Støtta blir gitt til 1–3 produksjonar som produksjonsstøtte og/eller turnéstøtte.
Produksjonen skal ha røter i musikk- og dansetradisjonane i Valdres og utøvarane bør ha tilknyting til Valdres. Hovudformålet er at flest mogleg born og unge skal oppleve levande folkemusikk frå Valdres. Produksjonen kan inngå i den kulturelle skulesekken eller visast i samanhengar der det er naturleg at born og unge er med.
Søkjarar busett i Valdres vert prioritert.
I 2025 gjekk tilskotet til Åsgårdsreia Teaterlag for framsyninga "Memento Mor di", Helena Wright for produksjonen "Tett på eldre folkemusikkinstrument" og Sivert Holmen m.fl. for framsyninga "Folkfoni".
For å få produksjonsmidlar innan ”Folkemusikk i notid og framtid” må:
- Produksjonen skal være klar for framsyning innan utgangen av 2026
- Produksjonen skal vere eigna og visast på arena for born og unge/familiar/alle
- Produksjonar som blir produsert for Den Kulturelle Skulesekken skal sendast ut til alle Valdreskommunane
Her finn du søknadsskjema (Søknadsfrist: 15. desember 2025)
For spørsmål, ta kontakt med Frank Rolland frank.rolland@valdres.museum.no /90632556 eller Marianne Straum: marianne.straum@valdres.no/ 91876235.
