Om

50-7-52 Runddansmusikk frå Hallingdal

Konsert med Arne Anderdal og Jo Asgeir Lie

Dei inviterer oss med på ei musikalsk reise gjennom Hallingdal, sjølvsagt med ein og annan avstikkar på vegen!

Arne Anderdal gjorde i 2012 ein grundig gjennomgang av alt arkivmateriale som var å finnerundt runddansmusikken i Hallingdal. Både lokale, regionale og nasjonale arkiv vart gått gjennom, i tillegg at han vitja ei rekkje aktive spelemenn knytt frå Hallingdal. Resultatet av dette arbeidet var at over 140 ulike runddansmelodiar vart brukt i Hallingdal. Ein kan knyte runddansmusikk til så og seie alle spelemenn ein veit om i Hallingdal, og dette syner at runddansen har vore ein viktig del av repertoaret også blant utøvarar på hardingfele. Konserten gjev eit lite innblikk i dette spanande repertoaret, og ikkje minst den høge musikalske kvaliteten som ligg i desse slåttane. Musikken vert presentert i historisk ramme med historier knytta til runddansmusikken. Fortalt humoristisk med eit lite skråblikk til ein musikk som mange mislikte.

Arne Anderdal og Jo Asgeir Lie har spela saman i mange år. Begge to arbeider til dagleg på Ole Bull Akademiet på Voss, der Arne har fagansvaret for vekekursa i folkemusikk som akademiet driv, og Jo Asgeir er rektor for Ole Bull Akademiet

- Ta med dansesko! Etter konserten blir det høve til å danse både springar og runddans. Her kan vi alle øve og førebu oss til kappleiks- og festival-sommaren!