Om

VETRA trio med Ragnhild Hemsing (fiolin og hardingfele), Mathias Eick (trompet) og Steinar Raknes (bass).

​​​​​Når fiolinen si klangrike tradisjon møter jazztrompetens uttrykksfulle fridom og kontrabassen sine djupe røter, oppstår ei unik musikalsk reise – der klassisk musikk, jazz, improvisasjon og norsk folkemusikk smeltar saman.

I denne særeigne trioen møtest tre av Noregs mest markante musikarar: Ragnhild Hemsing (fiolin og hardingfele), kjend for si djupe formidling av både klassisk musikk og folketonar; Mathias Eick (trompet), med sin karakteristiske, lyriske tone og sterke nærvær på den internasjonale jazzscena; og Steinar Raknes (kontrabass), ein virtuos improvisatør og komponist med solide røter i både jazz og roots-tradisjonar.
​​​​​Saman skaper dei musikk som er både jordnær og himmelstrebande – ei lydreise gjennom stemningar, tradisjonar og grenselaus skaparglede.

Publikum vil få høyre eigenkomponerte låtar frå VETRA-universet der jazzen møter folkemusikken. ​​​​​​Det blir òg musikk av Grieg, Ole Bull og kjente og kjære salmetonar frå Valdres i splitter ny klangdrakt.

Det blir sal av kalde forfriskningar, og me har skjenkebevilling.