Valdres får Stølsruta som historisk vandrerute
Frå uminnelige tider har folk ferdast i fjell og dal frå fjord til fjell. Mange av stigane er framleis bruk utan at vi kjenner det eigentlege opphavet. Riksantikvaren og DNT etablerte i 2012 eit samarbeid om å tilrettelegge historiske vanderuter. I 2018 er det opna for ti nye historiske vandreruter. No er det Stølsruta i Valdres sin tur til å vere med! Tiltaket er støtta av Sparebanstiftelsen DNB.
- Sju ruter med ulike tema lagt til rette, og når det no er opna for ti nye ruter meiner vi at stølsdrift er eit rett tema, seier Ina Syversen frå VNK og Valdres Friluftsråd. - Andre ruter har tema som Flykningeruta, Finnskogrunden, Brudleruta, Telegrafruta, Jacobinerruita med meir. Når det no var ynskje om ei stølsrute var Valdres eit naturleg val. Sidan stølsvidda i Nord-Aurdal og Vestre Slidre no vert definert som nasjonalt verdifult kulturlandskap var det naturleg å legge ruta hit, seier Ina.
I Nord-Aurdal har allereie stølaga skilta rute over vidda.
DNT-rute
Den DNT-merka stigen går frå Tisleia i Nord-Aurdal til Kvamskleiva og Sørre Hesming i Vang. Sørre Hemsing har lenge hatt DNT-avtale. Overnattingsbedriftene Hovda, Merket, Nøsen og Syndisstøga ynskjer å kople seg på DNT-nettet. I tillegg vil det vere tilbod om overnatting på Tyrisholt, Matkista og Fikja.
Trond Vatn, nesteleiar i DNT Valdres, er svært fornøyd med at Stølsruta vert tilrettelagt som eit DNT-tilbod.
–Frå Sørre Hemsing går ruta vidare til Tomashelleren og vandrenettverket i Jotunheimen. Då manglar det berre stubben frå Fønhuskoia til Tisleia for at vi har samanhengande DNT-nett i gjennom heile Valdres. Dette er eit av dei langsiktige måla for DNT Valdres, seier Trond Vatn, DNT Valdres som også er prosjekteigar.
Les mer om Stølsruta på www.lokalhistoriewiki.no
Viktig samarbeid med stølslag og grunneigarar
- Til skilnad frå dei andre historiske rutene er dette ei rute der historia er levande, og det vert difor både meir spanande og meir utfordrande. Dei færraste utanom landbruksbransjen har kunnskapen om stølsdrift, om korleis kulturlandskapet er forma kva for omsyn vi må ta der det er dyr på beite, Samstundes set dei aller fleste pris på å lære meir og take omsyn på beitedyra sine premissar. God informasjon og førehandskunnskap er derfor avgjerande- seier Katharina Sparstad som også jobbar med prosjektet i VNK.
Mykje av arbeidet er å kartlegge område som er sårbare og krev ekstra omsyn og informasjon i høve til husdyr og anna dyreliv. Dei ynskjer også finne fram til dei lokale historiene og bedrifter eller enkeltpersoner som har noko å bidra med undervegs. Tekst og ruter skal leggjast ut på ut.no, Outtt.com og Riksantikvaren sine sider.
Her kan du lesa heile prosjektplanenfor stølsruta som Historisk vandrerute
For meir informasjon om historiske valdreruter: http://historiskevandreruter.no/
Les referat frå det åpne møtet (07.02.18) om stølsruta som Historisk vandrerute her
